Мэдээ мэдээлэл
-
![]()
Монос Хүнс ХК-ийн хагас жилийн борлуулалтын орлого өмнөх оноос 19%, цэвэр ашиг 38%-аар өслөө
Хувьцааны тухай
Хувьцаа эзэмшигчдийн бүтэц
| Хувьцаа эзэмшигч | Эзэмшиж буй хувьцааны тоо | Эзэмшлийн хувь |
| Л.Хүрэлбаатар | 286,195,300 | 70% |
| Олон нийт | 122,655,128 | 30% |
| Нийт | 408,850,428 | 100% |
Хувьцааны талаар мэдээлэл авах
| Байгууллагын нэр | Монос Хүнс ХК | Голомт Капитал ҮЦК ХХК |
| Утас | 7777-3525 | 7012-1530 |
| Вэб | www.monosfoods.mn | www.golomtcapital.com |
Компанийн тухай
Монос Хүнс ХК нь ард иргэдийнхээ эрүүл мэндийг дэмжих зорилготойгоор Монгол орны хөрсөнд ургасан эмийн ургамлын түүхий эдийг ашиглан амин дэм, эрдэс бодисоор баялаг хүнс болон хүнсний нэмэлт бүтээгдэхүүнийг үйлдвэрлэдэг билээ.
Монос Хүнс ХК-ийн эрх барих дээд байгууллага нь “Хувьцаа эзэмшигчдийн хурал” юм. Хувьцаа эзэмшигчдийн хурал нь компанийн үйл ажиллагааны талаар гаргаж буй чухал шийдвэрүүдийг хэлэлцэх, тодорхойлох, ТУЗ-ийн гишүүдийг сонгох болон удирдах зөвлөлийн гишүүд, гүйцэтгэх удирдлагын цалин урамшууллын удирдамжийг гаргах үүрэгтэй.
Гүйцэтгэх удирдлага
А. Отгондарь
МОНОС ХҮНС ХК-ИЙН ГҮЙЦЭТГЭХ ЗАХИРАЛ
Бүтэц, зохион байгуулалт
Санхүүгийн мэдээлэл
| Үзүүлэлт /мянган төгрөг/ | 2022.06.30 | 2023.06.30 |
| Хөрөнгө | 26,458.7 | 45,017.0 |
| Эргэлтийн хөрөнгө | 13,743.2 | 13,337.2 |
| Мөнгө, түүнтэй адилтгах хөрөнгө | 106.5 | 586.0 |
| Дансны авлага | 3,725.1 | 5,290.8 |
| Татвар, НДШ - ийн авлага | 48.1 | 565.4 |
| Бусад авлага | 65.7 | 146.7 |
| Бараа материал | 6,313.9 | 6,179.3 |
| Урьдчилж төлсөн зардал/тооцоо | 3,483.9 | 568.9 |
| Эргэлтийн бус хөрөнгө | 12,715.5 | 31,679.8 |
| Үндсэн хөрөнгө | 12,060.6 | 29,967.7 |
| Биет бус хөрөнгө | 569.2 | 469.3 |
| Хойшлогдсон татварын хөрөнгө | 55.1 | 70.2 |
| Бусад эргэлтийн бус хөрөнгө | 30.6 | 1,172.6 |
| ӨР ТӨЛБӨР БА ЭЗДИЙН ӨМЧ | 26,458.7 | 45,017.0 |
| Өр төлбөр | 10,844.7 | 26,616.5 |
| Богино хугацаат өр төлбөр | 5,087.6 | 11,828.9 |
| Дансны өглөг | 1,107.0 | 1,007.4 |
| Цалингийн өглөг | 56.1 | 179.0 |
| Татварын өр | 792.7 | 1,534.6 |
| НДШ-ийн өглөг | 60.7 | 140.2 |
| Богино хугацаат зээл | 1,788.6 | 7,260.0 |
| Зээлийн хүүгийн өглөг | 33.2 | 227.2 |
| Ногдол ашгийн өглөг | 817.7 | - |
| Урьдчилж орсон орлого | 5.4 | 27.8 |
| Бусад богино хугацаат өр төлбөр | 377.4 | 393.1 |
| Урт хугацаат өр төлбөр | 2,661.8 | 3,423.7 |
| Урт хугацаат зээл | 2,650.2 | 3,294.1 |
| Бусад урт хугацаат өр төлбөр | 11.7 | 129.6 |
| Эздийн өмч | 14,921.0 | 16,779.5 |
| Өмч | 2,318.2 | 2,318.2 |
| Нэмж төлөгдсөн капитал | 6,835.7 | 6,835.7 |
| Хөрөнгийн дахин үнэлгээний нэмэгдэл | 451.9 | 451.9 |
| Хуримтлагдсан ашиг | 5,315.2 | 8,835.6 |
Үйл ажиллагааны тайлан
Төлөөлөн удирдах зөвлөл
Х.Ананд
ТУЗ-ИЙН ДАРГА
Монос Групп Гүйцэтгэх захирал
Х.Ананд нь 2019 оноос Монос хүнс ХК-ийн ТУЗ-ийн гишүүнээр сонгогдож, ТУЗ-ийн дэргэдэх Стратеги бизнес хөгжлийн хороон даргаар ажиллаж байгаад 2022 оны ТУЗ-ийн сонгуулийн үеэр ТУЗ-ийн даргаар сонгогдсон, Монос хүнс ХК-ийн хувьцаа эзэмшигч юм. Тэрээр ЭЗШУИС-ийг эм зүйч мэргэжлээр төгссөн, 2011 оноос Монос групп ХХК-д ажлын гараагаа эхэлж байснаас хойш өдгөө 10 гаруй жил өнгөрч энэ хугацаанд Монос групп ХХ-ийн Гүйцэтгэх захирал, Моносын нэгдэлд багтдаг компаниудын ТУЗ-ийн дарга, гишүүн хүртэл өсөн дэвшин ажиллаж байгаа залуу бизнесмэн юм.
Л.Хүрэлбаатар
ТУЗ-ИЙН ЕРДИЙН ГИШҮҮН
Монос Группийн үүсгэн байгуулагч, Монгол Улсын “Хөдөлмөрийн баатар”, Академич
Л.Хүрэлбаатар
ТУЗ-ИЙН ЕРДИЙН ГИШҮҮН
Монос Группийн үүсгэн байгуулагч, Монгол Улсын “Хөдөлмөрийн баатар”, Академич
Монгол улсын Хөдөлмөрийн баатар, шинжлэх ухааны доктор, профессор, Монос групп компанийг үүсгэн байгуулагч, хувьцаа эзэмшигч Л.Хүрэлбаатар нь Монос хүнс ХК-ийн ТУЗ-ийн гишүүн бөгөөд нийт хувьцааны 70%-ийг эзэмшдэг юм. Л.Хүрэлбаатар 2019 оноос 2022 оны 4 сар хүртэл Монос хүнс ХК-ийн ТУЗ-ийн даргаар, 2022 оны 5 сараас ТУЗ-ийн гишүүнээр ажиллаж байна. Тэрээр ОХУ-ын Пятигорск хотын Эм зүйн дээд сургуулийг эм зүйч мэргэжлээр төгсөж АУ-ы хүрээлэнд эрдэм шинжилгээний ажилтан, ЭМЯ-ы хэвлэл мэдээллийн редакцид хариуцлагатай нарийн бичгийн дарга, Монгол эм импэкс концерн ТӨҮГ-т орлогч дарга зэрэг албан тушаал хашиж байгаад 1990 онд Монос компанийг байгуулж, анхны эмийн үйлдвэрээ босгосноос хойш Монос нэрийн доор 30 гаруй компанийг салбарлан үүсгэсэн байна. Тэрээр эмзүй, гоо сайхны болон биологийн идэвхт 50 гаруй бэлдмэлийг зохион бүтээж, оюуны бүтээлийн 54 патент эзэмшиж байгаа үйлдвэрлэл, бизнесийн салбарын арвин туршлагатай эрдэмтэн, судлаач, бизнесмэн юм.
A.Oтгондарь
ТУЗ–ИЙН ЕРДИЙН ГИШҮҮН
МОНОС ХҮНС ХК-ИЙН ГҮЙЦЭТГЭХ ЗАХИРАЛ
А.Отгондарь нь 2016 оноос Монос хүнс ХК-ийн Гүйцэтгэх захирлаар томилогдон ажиллаж байгаа бөгөөд 2019 он, 2022 онд Монос хүнс ХК-ийн ТУЗ-ийн гишүүнээр сонгогдсон. Монос хүнс ХК-ийн хувьцааг эзэмшдэг. Тэрээр ХҮДС-ийг эдийн засагч мэргэжлээр төгссөн, 2003-2005 онд Түшиг даатгал ХХК-д менежер, 2007-2009 онд Монгол Эм Импекс ХХК-д бизнес хөгжлийн захирал, 2009-2012 онд Таванбогд групп ХХК-д бизнес хөгжлийн хэлтсийн дарга, 2012-2016 онд Монос Групп ХХК-д стратеги бизнес хөгжил хариуцсан захирал, 2016 оноос хойш өнөөг хүртэл Монос хүнс ХК-д гүйцэтгэх захирлаар ажиллаж байна.
Х.Солонго
ТУЗ-ИЙН ЕРДИЙН ГИШҮҮН
Монос Групп Үйл ажиллагаа хариуцсан захирал
Х.Солонго нь 2019 онд Монос хүнс ХК-ийн ТУЗ-ийн гишүүнээр сонгогдож, ТУЗ-ийн дэргэдэх Нэр дэвшүүлэх болон цалин урамшууллын хороон даргаар ажиллаж байгаад 2022 онд ТУЗ-ийн гишүүнээр дахин сонгогдсон, Монос хүнс ХК-ийн хувьцааг эзэмшдэг. Тэрээр АНУ-ын Калифорни их сургууль, Northwestern их сургуулийн бизнесийн удирдлагын магистр зэргийг эзэмшсэн. 2005 оноос Монос групп ХХК-д ерөнхий менежер, 2016 оноос Монос косметикс ХХК-д гүйцэтгэх захирал, ТУЗ-ийн дарга зэрэг албан тушаалыг хашин ажиллаж байна.
Ч.Баттогтох
ТУЗ-ИЙН ЕРДИЙН ГИШҮҮН
АШУИС-ийн тэнхимийн эрхлэгч
Монос хүнс ХК-ийн жижиг хувьцаа эзэмшигчдийн төлөөлөл, 2019, 2022 онд ТУЗ-ийн гишүүнээр сонгогдсон, ТУЗ-ийн дэргэдэх Стратеги, бизнес хөгжлийн хорооны гишүүн Ч.Баттогтох нь 2000 онд АУИС-ийг хүний их эмч мэргэжлээр төгсөөд халдварт өвчин судлал, лабораторийн анагаах ухаанаар нарийн мэргэжил эзэмшин, анагаахын салбарт эрдэм шинжилгээний олон илтгэл, өгүүлэл, бүтээл туурвиж АУ-ы доктор, дэд профессорын зэрэг хамгаалсан, АШУҮС-д 20 жил тасралтгүй багшилж байгаа юм. Тэрээр 2000-2001 онд ХӨСҮТ-д нян судлаач эмч, 2001-2020 онд АШУҮИС Био анагаахын дээд сургуульд багш, тэнхимийн эрхлэгч, 2020 оноос АШУҮИС-ын Био анагаахын хүрээлэнгийн захирал, Бичил амь судлал халдварын сэргийлэлт хяналтын тэнхмийн эрхлэгчээр ажиллаж байна. Монос хүнс ХК-тай бизнесийн холбоо хамааралгүй, сонирхлын аливаа зөрчилгүй, хараат бус байдлыг хангасан гишүүн юм.
Ц.Цэцэгбадам
ТУЗ-ИЙН ЕРДИЙН ГИШҮҮН
Монос Групп ХХК Санхүү эрхэлсэн захирал
2019 он, 2022 онд Монос хүнс ХК-ийн ТУЗ-ийн гишүүнээр сонгогдож, ТУЗ-ийн дэргэдэх Стратеги бизнес хөгжлийн хороо, Аудитын хорооны гишүүнээр ажиллаж байна. Монос хүнс ХК-ийн хувьцааг эзэмшдэг. Тэрээр ХААИС-г бизнесийн менежмент, бизнесийн удирдлагаар төгссөн, 1997-2011 онд Монгол Эм Импекс Концерн ХХК-д ахлах нягтлан бодогч, 2012-2015 онд Монос Групп ХХК-д ерөнхий нягтлан бодогч, 2015 оноос хойш өнөөг хүртэл Монос Групп ХХК-д Санхүү эрхэлсэн захирлаар ажиллаж байна.
Б.Гантулга
ТУЗ-ИЙН ХАРААТ БУС ГИШҮҮН
Ард Лайф Гүйцэтгэх захирал
Б.Гантулга нь 2019 онд Монос хүнс ХК-ийн ТУЗ-ийн хараат бус гишүүнээр сонгогдож байсан. 2022 онд ТУЗ-ийн хараат бус гишүүнээр дахин сонгогдон, ТУЗ-ийн дэргэдэх Нэр дэвшүүлэх болон цалин урамшууллын хорооны дарга, Аудитын, Стратеги бизнес хөгжлийн хорооны гишүүнээр томилогдон ажиллаж байгаа, Монос хүнс ХК-ийн хувьцаа эзэмшигч биш. Тэрээр ОХУ-ын Эдийн засгийн академид суралцан эдийн засагч мэргэжил эзэмшсэн, 2004-2009 онд Хас банкинд Маркетингийн газрын захирал, 2009-2012 онд Моннис групп ХХК-д дэд захирал, 2012-2014 онд Анакс компанид Гүйцэтгэх захирал, 2014-2018 онд Сүү ХК-д Гүйцэтгэх захирал, 2019 онд Лэндмн ХК-д Гүйцэтгэх захирал, 2019-2022 онд Ардын тэтгэврийн данс ХХК-д Гүйцэтгэх захирал, 2022 оноос өдгөөг хүртэл Улаанбаатар Үнэт цаасны бирж ХК-ийн Гүйцэтгэх захирлаар ажиллаж байгаа бизнес хөгжил, төсөл, маркетинг, байгууллагын удирдлагын чиглэлээр ажлын туршлагатай, Монос хүнс ХК-тай бизнесийн холбоо хамааралгүй, сонирхлын аливаа зөрчилгүй, хараат бус байдлыг хангасан гишүүн юм.
О.Лхагвасүрэн
ТУЗ-ИЙН ХАРААТ БУС ГИШҮҮН
Сэцэн Билгүүн ХХК Гүйцэтгэх захирал
О.Лхагвасүрэн 2022 онд ТУЗ-ийн хараат бус гишүүнээр сонгогдон, ТУЗ-ийн дэргэдэх Аудитын хорооны дарга, Стратеги бизнес хөгжлийн хорооны гишүүнээр томилогдсон, Монос хүнс ХК-ийн хувьцаа эзэмшигч биш. О.Лхагвасүрэн нь санхүү, хөрөнгө оруулалт, төсөл, стратегийн менежментийн чиглэлээр мэргэшсэн бөгөөд уул уурхай, барилга, хот байгуулалт, хөдөө аж ахуй, эрчим хүч, дэд бүтэц, нийгэм, эрүүл мэнд, боловсрол болон санхүүгийн салбаруудад 20 гаруй жил ажилласан туршлагатай. Тэрээр 1994-2001 онд СЭЗДС-д ахлах багш, 1998-2005 онд Азийн хөгжлийн банкинд мэргэжилтэн, 2005-2011 онд Дэлхийн банкинд мэргэжилтэн, 2013-2015 онд Эрдэнэс таван толгой ХК-д санхүү эрхэлсэн захирал, 2016 оноос одоог хүртэл Сэцэн билгүүн ХХК-ийн Гүйцэтгэх захирлаар ажиллаж байна. О.Лхагвасүрэн нь 2005 онд Монгол шуудан банк, 1998-2005 оны хооронд Спирт Бал Бурам ХК, 2012-2013 онд Нью Прогресс Групп ХХК-уудын ТУЗ-ийн гишүүнээр ажиллаж байсан туршлагатай.
Тэрээр ИБУИНВУ болон Монгол улсын Мэргэшсэн Нягтлан Бодогч, БНСУ-ийн Глобал Их Сургуулийн Бизнесийн удирдлагын магистрийн зэрэгтэй. Монос хүнс ХК-тай бизнесийн холбоо хамааралгүй, сонирхлын аливаа зөрчилгүй, хараат бус байдлыг хангасан гишүүн юм.
Д.Энхтүвшин
ТУЗ-ИЙН ХАРААТ БУС ГИШҮҮН
Би Тү Брос ХХК-ийн захирал
Д.Энхтүвшин 2023 оны 8 дугаар сарын 8-ны ТУЗ-ийн хурлаас нөхөн сонгууль хүртэл хугацаанд Монос хүнс ХК-ийн ТУЗ-ийн хараат бус гишүүнээр сонгогдож, ТУЗ-ийн дэргэдэх Стратеги бизнес хөгжлийн хорооны дарга, Нэр дэвшүүлэх болон цалин урамшууллын хорооны гишүүнээр томилогдон ажиллаж байна. Монос хүнс ХК-ийн хувьцаа эзэмшигч биш. Тэрээр МУИС-ийн Эдийн засгийн сургуулийг санхүүгийн менежер мэргэжлээр төгсөөд М-Си-Эс Интернэйшнл ХХК-д санхүүгийн шинжээч, санхүү хариуцсан захирлаар 7 жил, дэд ерөнхийлөгч албан тушаалд 17 жил, Монголиан майнинг корпорэйшн компанид Борлуулалт хариуцсан захирлаар 7 жил тус тус ажиллаж бизнесийн салбарт арвин туршлага хуримтлуулж, “Монгол HD” телевизийн “Шарк танк” нэвтрүүлэгт шүүгчээр ажиллаж олон нийтэд танигдаад байгаа туршлагатай бизнесмэн юм. Тэрээр одоо Би Тү Брос ХХК-д захирлаар ажиллаж байна. Монос хүнс ХК-тай бизнесийн холбоо хамааралгүй, сонирхлын аливаа зөрчилгүй, хараат бус байдлыг хангасан гишүүн юм.