Монос Хүнс ХК | Эрүүл энхийн төлөө
Эрүүл мэндийг дэмжигч “Монос Хүнс” ХК “Улаанбаатар Их Дуулга 2025” тэмцээний ивээн тэтгэгчээр хамтран ажиллахаар боллоо.

Эрүүл мэндийг дэмжигч “Монос Хүнс” ХК “Улаанбаатар Их Дуулга 2025” тэмцээний ивээн тэтгэгчээр хамтран ажиллахаар боллоо.

2025.07.08

Эрүүл мэндийг дэмжигч “Монос Хүнс” ХК “Улаанбаатар Их Дуулга 2025” тэмцээний ивээн тэтгэгчээр хамтран ажиллана

“Монос Хүнс” ХК Монгол Улсад гурав дахь удаагаа зохион байгуулагдах, дэлхийн чансааны оноо олгодог өндөр зэрэглэлийн “Улаанбаатар Их Дуулга 2025” олон улсын жүдо бөхийн тэмцээнд ивээн тэтгэгчээр оролцохоор гэрээнд гарын үсэг зурлаа.

“Улаанбаатар Их Дуулга 2025” нь 2025 оны 7-р сарын 25-27-ны өдрүүдэд Улаанбаатар хотноо зохион байгуулагдах бөгөөд 30 гаруй улс орны 800 орчим жүдоч, дасгалжуулагч оролцохоор бүртгүүлээд байна. Олон улсын энэхүү тэмцээн нь Монгол Улсын спортын хөгжилд бодит хувь нэмэр оруулахаас гадна залуусын оролцоог нэмэгдүүлэх, аялал жуулчлал болон эдийн засгийн идэвхжилд эергээр нөлөөлөх өргөн цар хүрээтэй арга хэмжээ юм.

Эрүүл мэндийг дэмжигч “Монос Хүнс” ХК нь нийгмийн хариуцлагынхаа хүрээнд үндэсний болон олон улсын спортын арга хэмжээг тууштай дэмжиж ирсэн. “Улаанбаатар Их Дуулга 2025” тэмцээнд ивээн тэтгэгчээр оролцож олон нийтэд эрүүл амьдралын хэв маягийг түгээн дэлгэрүүлэхэд хувь нэмрээ оруулж байгаадаа талархалтай байна.