Монос Хүнс ХК-ийн Гүйцэтгэх захирал А.Отгондарь Монголын Худалдаа, Аж Үйлдвэрийн танхимаас зохион байгуулдаг "Lady Entrepreneur 2025" шагнал гардуулах ёслолоос "Компанийн засаглал, нийгмийн хариуцлага, комплаенс хэрэгжүүлэгч энтерпренёр хатагтай" төрөлд шалгарлаа.

Монос Хүнс ХК-ийн хувьцаа эзэмшигчдийн ээлжит хурал 2025 оны 04-р сарын 09-ний Лхагва гарагийн 10:00 цагт Улаанбаатар, Баянгол дүүрэг, 20-р хороо, Сонсголонгийн зам гудамж 32/3 хаягт байрлах Монос хүнс ХК-ийн Эрүүл мэндийн хүнсний үйлдвэрийн 3 давхарт байрлах хурлын танхимд, мөн цахим хэлбэрээр хуралдах тул хувьцаа эзэмшигчид та бүхнийг урьж байна.

Монос Хүнс ХК-ийн ТУЗ-ийн 25/02 тогтоолоор компанийн 2024 оны жилийн эцсийн цэвэр ашгийн 37% болох 1,635,401,712 төгрөгийг нэгж хувьцаанд 4 төгрөгөөр тооцож, хувьцаа эзэмшигчдэд ногдол ашиг болгон хуваарилахаар шийдвэрлэлээ.

2025 оны эхний Төлөөлөн Удирдах Зөвлөлийн (ТУЗ) хурал хоёрдугаар сарын 18-ны өдөр 100%-ийн ирцтэйгээр хуралдав. Хурлаар Гүйцэтгэх захирал А.Отгондарь 2024 оны үйл ажиллагаа, санхүүгийн үзүүлэлтүүдийг танилцуулж, өнгөрсөн онд гаргасан гол амжилтуудаа тайлагналаа.

Монос Хүнс ХК нь 2024 оны Earnings Call арга хэмжээг амжилттай зохион байгуулж, компанийн санхүүгийн үзүүлэлт, өсөлтийн стратеги болон цаашдын төлөвлөгөөг хувьцаа эзэмшигчид, хөрөнгө оруулагчид, шинжээчидтэй хуваалцлаа.

Монос Хүнс ХК нь нийгэмд эерэг өөрчлөлт авчрах зорилготой “Social Impact 2025” арга хэмжээнд хоёр дахь жилдээ амжилттай оролцлоо. Өнгөрсөн жил бид олон нийтийн хэвшмэл ойлголтыг өөрчлөх “Хэнэгтэй Монгол эр хүн” нөлөөллийн төслөө танилцуулсан бол энэ удаа “Хуванцрын хэрэглээг бууруулах замаар нийгэмд нөлөөлөх нь” сэдвийн хүрээнд хийсэн ажлаа танилцууллаа.